பாரதி பக்கம்

எங்களில் ஒற்றுமை தீர்ந்திடோம் - ஐவர்
எண்ணத்தில், ஆவியில் ஒன்று காண் - இவர்
பங்கமுற் றேபிரி வெய்துவார் - என்று
பாதகச் சிந்தனை கொள்கிறாய் - அட,
சிங்க மறவர் தமக்குள்ளே - வில்லுத்
தேர்ச்சியி லேநிக ரற்றவன் - எண்ணில்
இங்குப் புவித்தலம் ஏழையும் - விலை
யீடெனக் கொள்ளத் தகாதவன். (28)

கண்ணனுக் காருயிர்த் தோழனாம் - எங்கள்
கண்ணினுஞ் சால இனியவன் ,
வண்ணமும் திண்மையும் சோதியும் - பெற்று
வானத் தமரையைப் போன்றவன் - அவன்
எண்ணரு நற்குணஞ் சான்றவன் - புக
ழேறும் விஜயன் பணயங் காண்! - பொய்யில்
பண்ணிய காயை உருட்டுவாய் - என்று
பார்த்தவன் விம்மி உரைத்திட்டான். (29)

மாயத்தை யேஉரு வாக்கிய - அந்த
மாமனும் நெஞ்சில் மகிழ்வுற்றே -கெட்ட
தாயத்தைக் கையினில் பற்றினான் - பின்பு
சாற்றி விருத்தமங் கொன்றையே - கையில்
தாய முருட்டி விழுத்தினான் - அவன்
சாற்றிய தேவந்து வீழ்ந்தால் வெறும்
ஈயத்தைப் பொன்னென்று காட்டுவார் - மன்னர்
இப்புவி மீதுள ராமன்றோ? (30)

(அடுத்தது பார்த்தனை இழத்தல்)