பாரதி பக்கம்

கொக்கரித் தார்த்து முழங்கியே - களி
கூடிச் சகுனியுஞ் சொல்லுவான் - எட்டுத்
திக்கனைத்தும் வென்ற பார்த்தனை - வென்று
தீர்த்தனம் வீமனைக் கூறென்றான் - தர்மன்
தக்கது செய்தல் மறந்தனன் - உளஞ்
சார்ந்திடு வெஞ்சின வெள்ளத்தில் - எங்கும்
அக்கரை இக்கரை காண்கிலன் -அறத்
தண்ணல் இதனை உரைக்கின்றான் (31)

ஐவர் தமக்கொர் தலைவனை - எங்கள்
ஆட்சிக்கு வேர்வலி அஃதினை - ஒரு
தெய்வம்முன் னேநின் றேதிர்ப்பினும் - நின்று
சீறி அடிக்குந் திறலனை - நெடுங்
கைவளர் யானை பலவற்றின் - வலி
காட்டும் பெரும்புகழ் வீமனை - உங்கள்
பொய்வளர் சூதினில் வைத்திட்டேன் - வென்று
போ என் றுரைத்தனன் பொங்கியே. (32)