For Daily Alerts
Just In
பாரதி பக்கம்
ஆகஸ்டு 08, 2001
வருவாய் கண்ணா
பல்லவி
வருவாய், வருவாய், வருவாய், - கண்ணா!
வருவாய், வருவாய், வருவாய்!
சரணங்கள்
1.
உருவாய் அறிவாய் ஒளிர்வாய் - கண்ணா:
உயிரின் னமுதாய்ப் பொழிவாய் - கண்ணா
வருவாய் என்னுள் வளர்வாய் - கண்ணா
கமலத் திருவோ டிணைவாய் - கண்ணா (வருவாய்)
2.
இணைவாய் எனதா வியிலே - கண்ணா
இதயத் தினிலே யமர்வாய் - கண்ணா!
கணைவா யசுரர் தலைகள் - சிதறக்
கடையூ ழியிலே படையோ டெழுவாய் ! (வருவாய்)
3.
எழுவாய் கடல்மீ தினிலே - எழுமோர்
இரவினிக் கிணையா உளமீ தினிலே
தொழுவேன் சிவனாம் நினையே - கண்ணா!
துணையே, அமரர் தொழும்வா னவனே! (வருவாய்)
(தொடரும்)
DVDSpecialsFine JewelryMusicArts&CraftPhone Cards
Comments
Story first published: Wednesday, February 7, 2001, 16:50 [IST]