பாரதி பக்கம்

காலா! உனை நான் சிறு புல்லென மதிக்கிறேன்: என்றன்
காலருகே வாடா! சற்றே உனை மிதிக்கிறேன் - அட (காலா)

சரணங்கள்

1. வேலாயுத விருதினை மனதிற் பதிக்கிறேன் - நல்ல
வேதாந்த முரைத்த ஞானியர் தமை யெண்ணித் துதிக்கிறேன் -ஆதி
மூலா வென்று கதறிய யானையைக் காக்கவே - நின்றன்
முதலைக்கு நேர்ந்ததை மறந்தாயோ கெட்ட மூடனே - அட (காலா)

2. ஆலாலமுன்டவனடி சரணென்ற மார்க்கண்டன் -தன
தாவி கவரப்போய் நீ பட்ட பாட்டினையறிகுவேன் - இங்கு
நாலாயிரம் காதம் விட்டகல்! உனை விதிக்கிறேன் - ஹரி
நாராயண னாகநின் முன்னே உதிக்கிறேன் - அட (காலா)