பாரதி பக்கம்
மே 16, 2001
2. சக்தி
1
சக்தி மகிழ்ச்சி தருவது, சினந் தருவது
வெறுப்பு தருவது, உவப்பு தருவது,
பகைமை தருவது, காதல் மூட்டுவது.
உறுதி தருவது, அச்சந் தருவது,
கொதிப்பு தருவது, காதல் மூட்டுவது,
உறுதி தருவது, அச்சந் தருவது,
கொதிப்பு தருவது, ஆற்றுவது.
சக்தி முகர்வது, சுவைப்பது, தீண்டுவது, கேட்பது, காண்பது,
சக்தி நினைப்பது, ஆராய்வது, கணிப்பது, தீர்மானஞ் செய்வது,
கனாக்காண்பது, கற்பனை புரிவது, தேடுவது, சுழல்வது,
பற்றி நிற்பது, எண்ணமிடுவது, பகுத்தறிவது,
சக்தி மயக்கந்தருவது, தெளிவு தருவது,
சக்தி உணர்வது.
பிரமன் மகள், கண்ணன் தங்கை, சிவன் மனைவி
பிரமனுக்கும் கண்ணனுக்கும் சிவனுக்கும் தாய்,
சக்தி முதற் பொருள்.
பொருளில்லாப் பொருளின் விளையில்லா விளைவு.
சக்திக் கடலிலே ஞாயிறு ஓர் நுரை!
சக்தி வீணையிலே ஞாயிறு ஓர் வீடு, ஒரு ஸ்வர ஸ்தானம்.
சக்திக் கூத்திலே ஒளி ஒரு தாளம்.
சக்தியின் கலைகளிலே ஒளி யொன்று.
சக்தி வாழ்க.
DVDSpecialsFine JewelryMusicArts&CraftPhone Cards