தனித் தமிழ்ப் பெயர்களுக்கு இரண்டாயிரம் வெள்ளிகள் பரிசு

உலகம் முழுவதும் சுமார் 12 கோடி தமிழர்கள் வசிப்பதாக, அண்மையில் பெங்களூரில் நடைபெற்ற உலகத் தமிழர்பேரமைப்பு மாநாட்டில் கூறப்பட்டது. தமிழகத்தில் சுமார் 7 கோடி தமிழர்கள் வசிக்கிறார்கள். தமிழகத்தில் வாழும்தமிழர்களை விட, அயல்நாடுகளில் வாழும் தமிழர்கள் நம் தாய்த்தமிழ் மீது கொண்டிருக்கும் பற்றும், பாசமும்அளவிட முடியாதது.

தூய தமிழைக் கேட்க விரும்புவர்கள், தமிழ்நாட்டை விட்டு வெளியே சென்றாக வேண்டும் என்றளவுக்குதமிழகத்தில் தமிழ் மொழி கவனிப்பாரற்றும், வெளிநாடுகளில் சீரும் சிறப்பும் பெற்றும் திகழ்கிறது.

வேலை தேடியும், அகதிகளாகவும் அந்நிய மண்ணில் நுழைந்த தமிழர்கள் தங்களை அங்கு நிலைப்படுத்திக்கொண்டு, அந்தந்த நாடுகளை வளப்படுத்தி வருகின்றனர். அதோடு தங்களுக்கென ஓர் அமைப்பை அந்தந்தப்பகுதிகளில் ஏற்படுத்திக் கொண்டு, தமிழுணர்வு குன்றாமல் வாழ்ந்து வருகிறார்கள். அத்தகைய அமைப்புகளில்ஒன்றுதான் கனடா நாட்டில் இயங்கும் தமிழ்ப் படைப்பாளிகள் கழகம்.

தங்கள் குழந்தைகளுக்கு தூய தமிழில் பெயர் வைக்கும் பெற்றோர்க்கு இந்த அமைப்பு பரிசு வழங்கி வருகிறது.

2004 ஆம் ஆண்டுக்கான தனித் தமிழ்ப் பெயர்களுக்கு உரிய பரிசை 2,000 வெள்ளிகளாக அதிகரித்துள்ளது.இந்தப் பரிசுத் தொகை தமிழீழம், இலங்கை, கனடா உட்பட புலம் பெயர்ந்த நாடுகளுக்கு பங்கிட்டுக்கொடுக்கப்படும்.

இந்தப் பரிசுத் திட்டத்தில் பங்குபெற விரும்பும் பெற்றோர்களிடம் இருந்து அதற்கான விண்ணப்பங்கள்கேட்கப்படுகின்றன.

1999--2004 ஆம் ஆண்டுகளில் பிறந்த குழந்தைகளின் பெற்றோர்கள் மட்டும் இந்தப் போட்டியில் கலந்துகொள்ளலாம். அதற்கான விண்ணப்பங்கள் யாவும் 2005 தைத் திங்கள் (சனவரி) 07ஆம் நாளுக்கு முன் கீழ்க்கண்ட முகவரிக்கு அனுப்பி வைக்கப்படல் வேண்டும். அதன் பின்னர் கிடைக்கப் பெறும் விண்ணப்பங்கள்புறக்கணிக்கப்படும். ஒன்றுக்கு மேற்பட்ட பெயர்கள் தகுதிபெறும் பட்சத்தில் குடவோலை மூலம் பரிசு பெறுபவர்தேர்ந்தெடுக்கப்படுவார்.

கழகத்தின் முடிவே இறுதியானது. எதிர்வரும் பொங்கல் நாளன்று முருகன் கோவில் அரங்கில் நடைபெற இருக்கும்தமிழ்ப் புத்தாண்டு விழாவில் கனடாவிற்கு உரிய பரிசு (சனவரி 14, 2005 வெள்ளி மாலை 6.00 மணி)வழங்கப்படும். ஏனைய பரிசுகள் அஞ்சலில் அனுப்பி வைக்கப்படும்.

விண்ணப்பப் படிவ மாதிரி

1) குழந்தையின் பெயர்---------------------------------------:

2) பிறந்த நாள்-------------------------------:

3) பிறந்த இடம்:--------------------------

4) தாயாரின் பெயர்--:--------------------------------

5) தந்தையாரின் பெயர்----------------------------------:

6) முகவரி-----------------------------------------------------------:----

7) தொ.பே. இல.--------------------------------------------

குழந்தையின் பெயரை உறுதிப் படுத்தும் பிறப்புச் சான்றிதழின் படி இத்துடன் இணைக்கப்பட்டுள்ளது. இதில்தரப்பட்டுள்ள தரவுகள் உண்மையானவை என இத்தால் உறுதிப்படுத்துகிறோம்.

தாயாரின் கையெழுத்து

தந்தையாரின் கையெழுத்து

அனுப்ப வேண்டிய முகவரி

Secretary,

TCWA,

2857 Lawrence Avenue East Unit #14,

Scarborough

Ontario. M1P 2S9

CANADA

தொடர்பு: தொ.பேசி - (416) 281 1165 (416) 447 6314 (905) 949 0824

தொலைப் படி- (416) 261 6745

மின்னஞ்சல்: ([email protected])

நல்ல தமிழ்ப் பெயரைப் பிள்ளைக்குச் சூட்டுங்கள்

நானொரு தமிழனென்று அடையாளம் காட்டுங்கள்!