'நர்த்தகி' நடராஜின் நடன விருந்து

சென்னையில் நடைபெற்று வரும் மார்கழி இசை விழாவில், கலைமாமணி நர்த்தகி நடராஜின் நாட்டிய விருந்து 6 நாட்களுக்கு நடைபெறவுள்ளது.

தஞ்சை கிட்டப்பா பிள்ளையின் சிஷ்யர்களில் ஒருவரான நர்த்தகி நடராஜ், இந்த ஆண்டு இசை விழாவில் நடன விருந்தளிக்கவுள்ளார்.

மொத்தம் 6 நாட்களுக்கு அவரது நாட்டிய நிகழ்ச்சிகள் நடைபெறவுள்ளன. டிசம்பர் 8ம் தேதி சென்னை அய்யப்பன் கோவிலில் அவரது முதல் நாட்டிய நிகழ்ச்சி இரவு 7.15 மணிக்கு நடைபெறுகிறது.

இதைத் தொடர்ந்து ஸ்ரீ கிருஷ்ண காண சபாவில் 10ம் தேதி காலை 11 மணிக்கும், பாரத் கலாச்சாரில் 14ம் தேதி மாலை 6.30 மணிக்கும் நடன நிகழ்ச்சியில் நடராஜ் கலந்து கொள்கிறார். இந்த விழாவின்போது அவருக்கு கலா சேவா பாரதி விருது வழங்கப்படுகிறது.

18ம் தேதி பிற்பகல் 2 மணிக்கு நாரத காண சபாவிலும், 31ம் தேதி மாலை 5 மணிக்கு தமிழ் இசைச் சங்கத்திலும் நாட்டிய நிகழ்ச்சியை அளிக்கிறார் நடராஜ்.

ஜனவரி 1ம் தேதி இரவு 7.30 மணிக்கு பிரம்ம காண சபாவில் நாட்டிய நிகழ்ச்சியை வழங்குகிறார்.