'காதல் நகரம் வெனீஸ்'

உலகிலேயே காதல் மயமான நகரம் வெனீஸ்தான் என்று ஆஸ்திரேலிய இணையதளம் ஒன்று நடத்திய கருத்துக் கணிப்பில் தெரிவிக்கப்பட்டுள்ளது.

நாளை காதலர் தினம். இந்த ரம்யமான நாளுக்காக உலகெங்கிலும் உள்ள காதலர்கள் தடபுடலாக தயாராகி வருகிறார்கள். காதல் வசனங்கள், பரிசுப் பொருட்கள், கட்டிப்பிடிப்புகள், காதல் கலாட்டாக்கள், லொள்ளும், ஜொள்ளுமாக நாளைய தினத்தை கொண்டாட உலகக் காதலர்கள் உணர்ச்சிப் பெருக்கோடு ரெடியாகிக் கொண்டுள்ளனர்.

இந்த நிலையில் ஆஸ்திரேலியாவைச் சேர்ந்த ஒரு இணையதளம் உலகிலேயே காதல்மயமான நகரம் எது என்ற கருத்துக் கணிப்பை நடத்தியது. இதில் இதுவரை முதலிடத்தில் இருந்து வந்த பாரீஸ் பின்னுக்குத் தள்ளப்பட்டு விட்டது. அந்த இடத்திற்கு மிதக்கும் நகரமான வெனீஸ் வந்துள்ளது.

டாப் 10 இடங்களில் 6 இடங்களை ஐரோப்பிய நகரங்களே பிடித்துக் கொண்டுள்ளன.

2வது இடத்தில் ரோம், 3வது இடத்தில் வியன்னா உள்ளன. நியூயார்க் நகருக்கு 4வது இடம் கிடைத்துள்ளது. பத்து இடங்களில் ஆஸ்திரேலியாவைச் சேர்ந்த மெல்போர்ன் 9வது இடத்தில் உள்ளது.

இந்தியாவைச் சேர்ந்த எந்த நகரமும் இந்தப் பட்டியலில் இடம் பெறவில்லை என்பது குறிப்பிடத்தக்கது.

அதனால் என்ன காதல் சின்னமான தாஜ் மஹால் நம்மிடம்தானே உள்ளது. அதற்காக ஆறுதல் பட்டுக் கொள்ளலாம்.