கோவையில் இத்தாலிய சமையல் கண்காட்சி

கோவை: கோவையில் ஜூலை 25ம் தேதி இத்தாலிய சமையல் கண்காட்சி நடைபெறுகிறது.

கோவை எப்.எல்.ஓ மகளிர் அமைப்பு, எப்.ஐ.சி.சி.ஐ மகளிர் குழு மற்றும் ஐடியல் ஸ்டோர்ஸ், ஆரன் கிச்சன் வோர்ல்டு சார்பில் பெங்களூர் பார்க் ஓட்டல் செப் டீகுசனின் பிரத்யேக இத்தாலிய சமையல் கண்காட்சி கோவை ரெசி டென்சி ஓட்டலில் வருகிற 25ம் தேதி ஏற்பாடு செய்யப்பட்டுள்ளது.

இதுபற்றி எப்.எல்.ஓ தலைவர் கவிதா வரதராஜ், செயலாளர் ஸ்ரீதேவி தேவராஜ், இணை செயலாளர் சபீனா, பொருளாளர் சசிரேகா, ஐடியல் ஸ்டோர்ஸ் அட்கா ஸ்ரீ ஆகியோர் நிருபர்களுக்கு அளித்த பேட்டியின்போது மேலும் கூறியதாவது:

இந்த கண்காட்சியில் இத்தாலிய உணவு வகைகள் இடம் பெறுகின்றன. இதற்கு நுழைவு கட்டணம் நபர் ஒன்றுக்கு ரூ.1000. இதில் பங்கேற்பவர்களுக்கு தேநீர், மற்றும் மதிய உணவு, சமையல் குறிப்பு புத்தகங்கள் மற்றும் பரிசு பொருட்கள் வழங்கப்படும். இந்த கண்காட்சியின் மூலம் கிடைக்கும் நிதி மகளிர் முன்னேற்றத்துக்கு பயன்படும்.

இந்த கண்காட்சியில் கலந்து கொண்டு மாடுலர் கிச்சன் வாங்கும் அனைவருக்கும் சிறப்பு சலுகை வழங்கப்படும் என்றனர்.