துபாய்: வானலை வளர்தமிழ் கவியரங்கம்

அமீரகக் கவிஞர்களை சங்கமிக்கச் செய்து அவர்களது படைப்புகளை வெளிக் கொணரும் பணியினை துபாய் வானலை வளர்தமிழ் அமைப்பு செய்து வருகிறது. இந்த அமைப்பின் சார்பில் முதல்வன் எனும் தலைப்பில் கவியரங்க நிகழ்ச்சி கரமாவில் நடந்தது.

இந்நிகழ்வில் ஜெயராமன், இளைய சாகுல், பழனி, ஜெயா பழனி, வெற்றிச்செல்வன், தமிழ்ச்செல்வன், காவிரி மைந்தன், சந்திரசேகர், சிம்ம பாரதி, முருகேசன், இஸ்மத், அத்தாவுல்லாஹ், கமாலுதீன், துரை மலைவேல், பாலசுப்பிரமணியன், சையது மணிவண்ணன் மற்றும் கந்தநாதன் உள்ளிட்டோர் தங்களது கவிதைகளை அரங்கேற்றினர். நிலவன் மற்றும் பிரான்சிஸ் ஆகியோர் நடுவர்களாக இருந்தனர்.

இந்நிகழ்வில் சிறப்பு விருந்தினர்களாக அமீரகத் தமிழர்கள் அமைப்பின் தலைவர் அமுதரசன் சிறப்பு விருந்தினராக கலந்து கொண்டரா, இணைச் செயலாளர் முஸ்தாக் அஹமது உள்பட பலர் பங்கேற்றனர். நிகழ்ச்சிக்கான ஏற்பாடுகளை காவிரிமைந்தன், சந்திரசேகர் மற்றும் சிம்மபாரதி உள்ளிட்டோர் செய்திருந்தனர்.