புதிய பார்வை ஆசிரியர் நடராஜனுக்கு அமெரிக்க விருது

தஞ்சை: அதிமுக பொதுச் செயலாளர் ஜெயலலிதாவின் தோழி சசிகலாவின் கணவரும், புதியபார்வை ஆசிரியருமான ம. நடராஜனுக்கு அமெரிக்காவில் உள்ள நிறுவனம் விருது வழங்கி கவுரவித்துள்ளது.

அமெரிக்கன் பயோகிராப்பிக்கல் இன்ஸ்டிடியூட் என்ற ஆய்வு நிறுவனம் உலக அளவில் சிறப்பு விருதுகளை வழங்கி வருகிறது.
கடந்த 1967 ம் ஆண்டிலிருந்து ஆய்வுப்பணிகளில் ஈடுபட்டு வரும் பழமையான இந்த நிறுவனம் உலக அளவில் ஆய்வில் ஈடுபட்டு வரும் அறிஞர்களுக்கு விருது வழங்கி கவுரவித்து வருகிறது.

இந்த நிலையில் புதியபார்வை ஆசிரியர் ம.நடராஜனுக்கு அட்வைசரி டைரக்டரேட் இன்டர்நேசனல் சார்ட்டர் பெலோ, என்ற விருதை அது வழங்கியுள்ளது.