துபாய்: திருச்சி ஜமால் முஹம்மது கல்லூரி பழைய மாணவர் சங்க செயற்குழு

துபாயில் திருச்சி ஜமால் முஹம்மது கல்லூரி பழைய மாணவர் சங்க செயற்குழுக்கூட்டம் சனிக்கிழமை ( 13 டிசம்பர் 2008 ) அன்று அஸ்கான் சமுதாயக் கூடத்தில் நடைபெற்றது.

கூட்டத்திற்கு அமீரக திருச்சி ஜமால் முஹம்மது கல்லூரி பழைய மாணவர் சங்க பொதுச்செயலாளர் எம். அப்துல் ரஹ்மான் தலைமை தாங்கினார். ஒருங்கிணைப்பாளர் ஜாபர் சாதிக் வரவேற்புரை நிகழ்த்தினார்.

இக்கூட்டத்தில் கல்வி மேம்பாட்டு நிகழ்ச்சியினை துபாயில் பணிபுரிந்து வருபவர்கள் தங்களது திறனை மேம்படுத்திக் கொள்ள ஏதுவாக நடத்துவது, பழைய மாணவர் சங்கத்திற்கான இணையத்தளம் ஏற்படுத்துவது உள்ளிட்ட பல்வேறு நிகழ்வுகள் குறித்து விவாதிக்கப்பட்டது. கல்லூரியில் வெளியிடப்பட்ட ஆண்டு மலர் விழாவில் அறிமுகப்படுத்தப்பட்டது

பழைய மாணவர் சங்க நிர்வாகிகள் காஜா, மதுக்கூர் ஹிதாயத்துல்லாஹ், இல்யாஸ், முதுவை ஹிதாயத் உள்ளிட்ட பலர் கலந்து கொண்டு சிறப்பித்தனர்.