அமெரிக்கா சென்ற ஐம்பொன் ஐயப்பன் !

தஞ்சாவூர்: தமிழக்ததில் ஐம்பொன்னால் செய்யப்பட்ட ஐயப்பன் சிலை அமெரிக்காவிற்கு அனுப்பி வைக்கப்பட்டது.

அமெரிக்காவில் அரிசோனா மாகாணம் சாண்டலர் பகுதியில் மகா கணபதி கோயில் உள்ளது. இதனருகில் புதிதாக ஐயப்பன் கோயில் கட்ட முடிவு செய்யப்பட்டு, அதற்கான பணிகள் முடிவடைந்துள்ளது.

இந்த கோயிலில் ஐம்பொன்னால் ஆன ஐயப்பன் சிலையை வைக்க கோயில் நிர்வாகிகள் முடிவு செய்தனர். அதன்படி ஐம்பொன்னால் ஆன ஐயப்பன் சிலை வடிவமைக்க தஞ்சை மாவட்டம், சுவாமிமலை தேவசேனாதிபதி சிற்பக்கூடத்து ஸ்தபதிகளிடம் பொறுப்பை ஒப்படைத்திருந்தனர்.

அதன்படி, சபரிமலை ஐயப்பன் போன்ற மாதிரியில் 75 கிலோ எடையில் 30 அங்குலத்தில் ரூ 80 ஆயிரம் செலவில் சிலை வடிவமைக்கப்பட்டுள்ளது.

இச் சிலையை அமெரிக்காவில் உள்ள ஐயப்பன் கோயிலில் வைக்க தமிழகத்தில் இருந்து அனுப்பிவைக்கப்பட்டது.