'டைம்' பரபரப்பு மனிதர்கள் பட்டியலில் சர்தாரி

வாஷிங்டன்: அமெரிக்காவின் டைம் இதழ் வெளியிட்டுள்ள 2008ம் ஆண்டில் பரபரப்பாக அடிபட்ட தலைவர்கள் பட்டியலில் பாகிஸ்தான் அதிபர் ஆசிப் அலி சர்தாரி இடம் பெற்றுள்ளார்.

இந்தப் பட்டியலில் சர்தாரிக்கு கடைசி இடம் அதாவது 20வது இடம் கிடைத்துள்ளது. முதலிடத்தில் இருப்பவர் இங்கிரிட் பெட்டன்கோர்ட்.

பாகிஸ்தான் அதிபராகப் பதவியேற்றுள்ள சர்தாரி, 2008ம் ஆண்டை பல்வேறு நெருக்கடிகளுக்கு மத்தியில் முடிக்கிறார் என்று டைம் இதழ் கூறியுள்ளது. தீவிரவாதிகளின் மிரட்டல்கள், பொருளாதார சீர்குலைவு உள்ளிட்ட பல சிக்கல்கள் சர்தாரியின் அதிபர் பதவிக்காலத்தின் ஒரு பகுதியை ஆக்கிரமித்துள்ளதாகவும் அது தெரிவித்துள்ளது.

அமெரிக்க அதிபர் ஜார்ஜ் புஷ், இங்கிலாந்து பிரதமர் கார்டன் பிரவுன், அமெரிக்க நீச்சல் வீரர் மைக்கேல் பெல்ப்ஸ் உள்ளிட்டோரும் இதில் இடம் பெற்றுள்ளனர்.

டைம் இதழின் பட்டியலில் இடம் பெற்ற 20 பேர்:

இங்கிரிட் பெட்டன்கோர்ட், ராட் பிளகோஜெவிக், கார்டன் பிரவுன், ஜார்ஜ் புஷ், ஹில்லாரி கிளிண்டன், ராபர்ட் டவ்னி ஜூனியர், டினா பை, ரிச்சர்ட் பல்ட் ஜூனியர், ராபர்ட் கேட்ஸ், சோமானி மேம், ஜான் மெக்கெய்ன், ஸ்டெபானி மேயர், ராபர்ட் முகாபே, மைக்கேல் பெல்ப்ஸ், மிகயீல் சாக்ஸ்விலி, சொமாலியா கடற் கொள்ளையர்கள், டாரா டோரஸ், கிரெக் வென்டர், ரிக் வாரன், ஆசிப் அலி சர்தாரி.