2008ன் முக்கிய சம்பவங்கள்!

முந்தைய பக்கம்

நவம்பர் 5 - வெள்ளை மாளிகையில் கருப்புப் புயல் குடி புகுந்த தினம். ஹாலிவுட் படங்களில் மட்டுமே கருப்பர் இன அதிபரை கண்டு ரசித்து வந்த அமெரிக்கா, நிஜமாகவே ஒரு கருப்பர் இனத்தவரை அதிபராகத் தேர்வு செய்து பெருமைப்பட்டுக் கொண்ட தினம்.

உலகெங்கிலும் உள்ள ஒட்டுமொத்த கருப்பர் இனத்தவருக்கும் பெருமை தேடித் தரும் வகையில் அதிபர் தேர்தலில் வென்றார் பாரக் ஓபாமா.

அதிகபட்சம் வெளியுறவுத்துறை அமைச்சர் வரை மட்டுமே முன்னேற முடிந்த கருப்பர் இனத்தவர்களால், அதிபர் பதவிக்கும் வர முடியும் என்பதை அமெரிக்காவுக்கும் சேர்த்து நிரூபித்தவர் பாரக் ஓபாமா.

சாதுரியமான பேச்சு, திறமையான பிரசாரம், ஆணித்தரமான கருத்துக்கள், எல்லாவற்றுக்கும் மேலாக அவர் முழங்கிய மாற்றம் என்ற மந்திரம், ஒட்டுமொத்த அமெரிக்கர்களையும் பாரக் பக்கம் திருப்பி, மாற்றம் பராக், பராக் என அறிவிக்கச் செய்தது ஓபாமாவின் அட்டகாசமான வெற்றி.

பொருளாதார தள்ளாட்டம், ஈராக் தவறு, ஆப்கன் மிரட்டல், பெருகி வரும் தீவிரவாதம் என மாபெரும் சவால்களுக்கு மத்தியில் ஓபாமா அதிபராகவுள்ளார்.

அடுத்த பக்கம்