'உயிர் துடிப்பு' குறுந்தகடு வெளியீடு

வேலூர்: விபத்துகள் குறித்த விழிப்புணர்வு ஏற்படுத்தும் குறும்படமான 'உயிர்துடிப்பு' குறுந்தகடு வெளியீட்டு விழா வேலூரில் நடைபெற்றது.

வேலூர் சங்கமம் திருமண மண்டபத்தில் நடைபெற்ற இவ்விழாவில் உலக சேவை சங்கம், ஓவியாலயா படைப்புக் களம் இணைந்து தயாரித்து, பாலா இயக்கிய இப்படத்தின் குறுந்தகடை வேலூர் மாவட்ட ஆட்சியர் செ.ராஜேந்திரன் வெளியிட, உடல் உறுப்புகள் தானம் வழங்கிய ஹிதேந்திரனின் பெற்றோர் டாக்டர் அசோகன், புஷ்பாஞ்சலி ஆகியோர் பெற்றுக் கொண்டனர்.

இவ்விழாவில் வேலூர் விரைவு நீதிமன்ற நீதிபதி எஸ். பன்னீர்செல்வம், எஸ்பி ந.அறிவுச்செல்வம், மேயர் ப.கார்த்திகேயன், எம்எல்ஏ சி.ஞானசேகரன், ஸ்ரீ நாராயணி மருத்துவமனை இயக்குநர் பாலாஜி, வட்டார போக்குவரத்து அலுவலர் தரணி ஆகியோர் கலந்துகொண்டு பேசினர்.

உலக சேவை சங்கத் தலைவர் சுந்தர் தலைமை தாங்கினார். சதீஷ், சக்தி ஆகியோர் வரவேற்றனர்.