அஜ்மானில் முப்பெரும் விழா

துபாய்: ஐக்கிய அரபு அமீரகத்தில் உள்ள அஜ்மானில் தமிழ்நாடு பண்பாட்டுக் கழகம் மற்றும் அஜ்மான் அமீரக தமிழர்கள் அமைப்பு ஆகியவை இணைந்து முப்பெரும் விழாவை நடத்தவுள்ளன.

அஜ்மானில் ஷார்ஜா தமிழ்நாடு பண்பாட்டுக் கழகம் மற்றும் அஜ்மான் அமீரக தமிழர்கள் அமைப்பு ஆகியவை இணைந்து முப்பெரும் விழாவை நாளை (25ம் தேதி) மாலை 4.30 மணிக்கு அஜ்மான் ஜுவல் பேலஸில் நடத்த இருக்கின்றது.

இந்நிகழ்ச்சியில் தமிழகத்தின் பேராசிரியர் புஷ்பவனம் குப்புசாமி, அனிதா குப்புசாமி ஆகியோரின் நாட்டுப்புற பாடல்களும், கரகாட்டத்தில் தேசிய விருதுபெற்ற சுரேஷின் கரகாட்ட நிகழ்ச்சியும், சிம்பொனி மியூசிக் இன்ஸ்டிடியூட் குழுவின் கலாச்சார நிகழ்ச்சி உட்பட சிலம்பாட்டம், கோலாட்டம் மற்றும் ஒயிலாட்டம் நடைபெற உள்ளது.

உலக நட்புறவுக் கழகத்தின் சிறந்த சாதனையாளர் விருதும் இவ்விழாவில் வழங்கப்பட உள்ளது. குழந்தைகளின் கலை நிகழ்ச்சி இன்னும் பல்வேறு நிகழ்வுகள் இடம் பெற உள்ளது.

சிறப்பு விருந்தினர்களாக அஜ்மான் ராயல் கோர்ட்டின் தலைவர் ஷேக் மஜீன் பின் சயீத் அல் நுயமி, அஜ்மான் குடியுரிமைத்துறை உதவி இயக்குநர் முஹம்மத் அப்துல்லாஹ் அல்வான், அஜ்மான் உயர்நீதிமன்றத்தின் சுல்தான் ரஷீத் அல் மத்ரூஸி, அஜ்மான் பின் பகீத் குரூப் தலைவர் சுல்தான் அப்துல்லாஹ் ரஷீத் அல் மத்ரூஸி,

சென்னை உலக நட்புறவுக் கழகத் தலைவர் டாக்டர் ஜி. மணிலால், முன்னாள் சென்னை உயர் நீதிமன்ற நீதியரசர் டி.என். வள்ளிநாயகம், கும்பகோணம் அன்பு மருத்துவமனை நிறுவனர் கே. அன்பழகன், மலேசியாவின் டாக்டர் சுல்தான் அப்துல் காதர், பெங்களூர் தமிழ் சமூக மற்றும் கலாச்சார அகடமி தலைவர் டாக்டர் அருணாச்சலம், சென்னை டாக்டர் எஸ்.எம். சுந்தரம்,

சென்னை டவுன் லயன் கிளப் தலைவர் டாக்டர் பி. தங்கராஜ், சென்னை ஆர்.எம்.பி. இன்போடெக் நிறுவனத்தின் வி.பாபு தாமஸ், அஜ்மான் இந்திய சங்க பொதுச் செயலாளர் அஹமது கான் உள்ளிட்ட பலர் சிறப்பு விருந்தினர்களாக கலந்து கொள்கின்றனர்.

சன் டிவி காமெடி டைம் புகழ் அர்ச்சனா நிகழ்ச்சியினை தொகுத்து வழங்குகிறார்.

நிகழ்ச்சிக்கான அணுசரணையினை துபாய் சிவ் ஸ்டார் பவன் குரூப், அஜ்மான் பிக் பகித் குரூப், ஷார்ஜா சபையர் குரூப் மற்றும் ஸ்டார் பிரிண்டிங் பிரஸ் ஆகியவை வழங்கியுள்ளன.

இலவச அனுமதி அழைப்புகள் சிவ் ஸ்டார் பவன், பிக் பகித் எக்ஜேன்ச் அஜ்மான், சபையர் ரெஸ்டாரெண்ட் ஷார்ஜா ஆகிய இடங்களில் இடைக்கும். அழைப்பு உள்ளவர்கள் மட்டுமே நிகழ்ச்சிக்கு அனுமதிக்கப்படுவர்.