தினசக்தி நாளிதழின் பெயர் தின புலரி என மாற்றம்

திருச்சி: திருச்சியில் இருந்து வெளி வரும் நாளிதழான தின சக்தி தற்போது தின புலரி என்ற பெயரில் வெளி வருகிறது.

திருச்சி கிராப்பட்டியில் இருந்து வெளி வருகிறது தின சக்தி நாளிதழ்.

இந்த நாளிதழை சில தினங்களுக்கு முன்பு நடந்த விழாவில் தமிழர் தேசிய இயக்கத் தலைவர் பழ. நெடுமாறன் வெளியிட்டார்.

இந்த நிலையில், தின சக்தி என்ற பெயரை பயன்படுத்தக் கூடாது என்று அந்த நிர்வாகத்திற்கு எதிராக கம்யூனிஸ்ட் கட்சியைச் சேர்ந்த நிர்வாகி ஒருவர் நீதி மன்றத்தில் வழக்கு தொடர்ந்தார்.

இந்த வழக்கை விசாரித்த நீதி மன்றம் தின சக்தி என்ற பெயரை பயன்படுத்த தடை விதித்தது. இதனையடுத்து அந்த இதழுக்கு தின புலரி என்று பெயரிடப்பட்டது.