சிங்கப்பூர் இந்து அறநிலைய முன்னாள் தலைவர் வி.ஆர்.நாதன் மரணம்

சிங்கப்பூர்: சிங்கப்பூர் இந்து தலைவர் வி.ஆர். நாதன் உடல்நலக் குறைவு காரணமாக மரணமடைந்தார்.

சிங்கப்பூர் இந்து அறக்கட்டளை வாரியத்தின் தலைவராக இருந்தவர் வி.ஆர். நாதன். இவர் 1991 முதல் 2005 வரை இப்பதவியில் இருந்தார்.

சிங்கப்பூரின் தேசிய சின்னங்களான சவுத் பிரிட்ஜ் ரோடு மாரியம்மன் கோயில் மற்றும் ஸ்ரீனிவாச பெருமாள் கோயில் ஆகியவை கட்டப்படுவதில் முக்கிய பங்காற்றினார்.

இந்து அறக்கட்டளை வாரியத்துக்காக 22 ஆண்டுகள் பணியாற்றிய வி.ஆர். நாதன் கடந்த அக்டோபர் முத்ல் நுரையீரல் நோயினால் பாதிக்கப்பட்டு சிகிச்சை பெற்றுவந்தார். இந்நிலையில் சிகிச்சை பயனின்றி அவர் ஜனவரி 29ம் தேதி தனது 78வது வயதில் காலமானார்.

அவரது மறைவுக்கு சிங்கப்பூர் அதிபர் எஸ்.ஆர். நாதன் இரங்கல் தெரிவித்துள்ளார்.