அப்துல் ஹகீம் கல்லூரி ஆண்டு விழா-மதுரை முத்து பங்கேற்பு

வேலூர்: வேலூர் அப்துல் ஹகீம் என்ஜினியரிங் மற்றும் தொழில்நுட்ப கல்லூரியின் 11வது ஆண்டு கல்லூரி விழா நேற்று சிறப்பாக நடத்தப்பட்டது.

வேலூர் சி அப்துல் ஹகீம் என்ஜினியரிங் மற்றும் தொழில்நுட்ப கல்லூரியின் 11வது ஆண்டு கல்லூரி விழா நேற்று காலை 11.00 மணிக்கு துவங்கியது. கே.எச். அறக்கட்டளை தலைவர் முகமது ஹசீம் சாகிப் தலைமை விருந்தினராக பங்கேற்று, விழாவை சிறப்பித்தார்.

பரீதா குழுமங்களின் தலைவர் ரபீக் அகமது, மங்களூர் பிஏ என்ஜினியரிங் கல்லூரி தலைவர் இப்ராகிம் சாகிப் கவுரவ விருந்தினராக பங்கேற்றார்.

மதுரை முத்து பங்கேற்பு...

இதற்கு முன்னதாக கடந்த 27ம் தேதி மாலை 5.00 மணிக்கு கல்லூரியின் கலாச்சார விழா நடந்தது. அதில் 'அசத்த போவது யாரு' காமெடி நிகழ்ச்சி புகழ் மதுரை முத்து தலைமை விருந்தினராக கலந்து கொண்டார்.

விழா கல்லூரியின் தாளாளர் ஜனாப் அப்ரார் அகமது சாகிப் தலைமையி்ல் நடந்தது.

நாளை மாலை 3.30க்கு துவங்கும் விளையாட்டு தின விழாவில் தலைமை விருந்தினராக இந்திய கால்பந்து வீரர் ஜேஸ்டஸ் ஆன்டோ பங்கேற்கிறார்.