இன்று கரூர் மாரியம்மன் கோயில் கம்பம் நடும் திருவிழா

கரூர்: கரூர் மாரியம்மன் கோயில் திருவிழா இன்று கம்பம் நடும் திருவிழாவுடன் துவங்கியது.

தமிழகத்தில் புகழ் பெற்ற கோவில் கரூர் அருள்மிகு மாரியம்மன் திருக்கோயில். இக்கோயிலில் சித்திரைத் திருவிழா மே 10ம் தேதி தொடங்கி ஜுன் 7ம் தேதி வரை நடைபெறுகிறது.

இந்த விழாவின் தொடக்க நிகழ்ச்சியாக கம்பம் நடும் விழா வரும் இன்று காலை 8 மணிக்கு பாலம்மாள்புரத்தில் நடைபெற்றது.

இந்தக் கம்பத்தை பரம்பரை அறங்காவலர் கே. முத்துக்குமார் முன்னிலையில் பாலம்மாள்புரத்தில் பூஜை நடத்தி நாதஸ்வரம், தேவார இசைகளுடன் ஊர்வலமாக கோயிலுக்கு வந்தது. பின்னர், பூஜையுடன் கம்பம் கோயிலில் நடப்பட்டது.