மதுரை மீனாட்சி கோயில் பட்டர்கள் இத்தாலி பயணம் !

மதுரை: இந்தியா- இத்தாலி இடையிலான கலாசாரம், வழிபாட்டு முறைகள், பண்பாடு பரிமாற்ற ஒப்பந்தத்தின் கீழ் மதுரை மீனாட்சியம்மன் கோயில் பட்டர்கள் இத்தாலி செல்ல உள்ளனர்.

இந்தியா- இத்தாலி இடையே கலாசார, பண்பாடு பரிவர்த்தனை ஒப்பந்தம் செய்யப்பட்டுள்ளது.

இதன் கீழ், முதலில் இந்து மதத்தின் சிறப்புகள், பூஜை, ஆகம விதிகள் குறித்து இத்தாலியில் செயல் விளக்கம் அளிக்கப்பட உள்ளது.

இதற்காக தமிழகத்தைச் சேர்ந்த 30 பட்டர்கள் குழு இத்தாலி புறப்பட்டு செல்ல உள்ளது. இதில் மதுரை மீனாட்சி அம்மன் கோயில் பட்டர்கள் 6 பேர் பெற்றுள்ளனர்.

ஜூன் 1-ம் தேதி முதல் 7 -ம் தேதி வரை அங்கு முகாமிட்டு இந்தியாவின் கலாச்சாரம், வழிபாட்டு முறைகள், பண்பாடுகள் குறித்து விளக்கவுள்ளனர்.