சிங்கப்பூர் சுற்றுலாத்துறையின் உயர்வுக்கு உதவும் இந்தியர்கள்

சிங்கப்பூர்: சிங்கப்பூருக்கு வரும் சுற்றுலாப் பயணிகளில் தொடர்ந்து இந்தியர்களே முக்கிய இனக்குழுவினராக உள்ளனர். இதனால் சிங்கப்பூர் சுற்றுலாத்துறை நல்ல உயர்வைக் கண்டு வருகிறாம்.

இந்த ஆண்டு இந்தியாவிலிருந்து 7 லட்சத்து 47 ஆயிரம் சுற்றுலா பயணிகள் சிங்கப்பூருக்கு வருவார்கள் எனக் கணக்கிடப்பட்டுள்ளது.

சிங்கப்பூருக்கு வரும் சுற்றுலா பயணிகள் வரிசையில் இந்தியர்கள் நான்காவது இடத்தில் உள்ளனர். முதலிடத்தில் இந்தோனேசியர்கள், அடுத்து சீனர்கள், 3வதாக ஆஸ்திரேலியர்கள் உள்ளனர்.

இந்திய சுற்றுலாப் பயணிகள் மூலம் சிங்கப்பூருக்கு இந்த ஆண்டு 672 மில்லியன் முதல் 1.05 பில்லியன் சிங்கப்பூர் டாலர் வருவாய் கிடைக்கும் எனக் கணக்கிடப்பட்டுள்ளது.

இந்த ஆண்டின் முதல் ஆறு மாதங்களில் 3,61,000 இந்தியர்கள் சிங்கப்பூர் வந்துள்ளனர். இருப்பினும் இது கடந்த ஆண்டை விட 13 சதவீதம் குறைவாகும். காரணம், வேறென்ன பொருளாதார மந்த நிலைதான்.

இந்த ஆண்டு ஜனவரி முதல் ஜூன் மாதம் வரை மட்டும் இந்தியர்கள் மூலம் சிங்கப்பூருக்குக் கிடைத்துள்ள வருவாய் 431 மில்லியன் சிங்கப்பூர் டாலர்களாகும்.