மதுரையில் சிவாஜி சிலை-அழகிரி திறந்து வைக்கிறார்

மதுரை: மதுரையில் நடிகர் திலகம் சிவாஜி கணேசன் சிலையை மத்திய அமைச்சர் மு.க. அழகிரி திறந்து வைக்க உள்ளார்.

இதுகுறித்து மதுரையில் சிவாஜியின் மூத்தமகன் ராம்குமார் செய்தியாளர்களிடம் கூறுகையில்,

மதுரையில் நடிகர் திலகம் சிவாஜிக்கு சிலை அமைக்க வேண்டும் என்ற ரசிகர்களின் நீண்டகால ஆசை நிறைவேறப் போகின்றது.

மதுரை டாக்டர் அம்பேத்கர் சாலையில் அமைந்துள்ள காங்கிரஸ் தலைவர் கக்கன் சிலைக்கு அருகில் சிவாஜியின் சிலை அமைய இருக்கிறது. இதற்கான பூமி பூஜை இன்று நடைபெற்றது. சிலையை மத்திய அமைச்சர் மு.க.அழகிரி திறந்து வைக்கவுள்ளார்.

இதற்கு முன் நடிகர் திலகத்திற்கு அமையப்பெற்றுள்ள தஞ்சை, புதுவை மற்றும் சென்னை சிலைகளைவிட இச்சிலை வித்தியாசமானதாக இருக்கும். இதன் உயரம் 8.5 அடியாகும்.

வழக்கமாகத் திருமண நிகழ்வுகளில் பங்குபெறும் போது நடிகர் திலகத்தின் முகபாவம் எப்படி இருக்குமோ அதே போன்று இச்சிலை வடிவமைக்கப்பட்டுள்ளது என்றார்.