தங்கம் விலை பவுனுக்கு ரூ 176 குறைந்தது!

சென்னை: தொடர்ந்து கிடுகிடுவென உயர்ந்து கொண்டே போன தங்கத்தின் விலை கடந்த இரண்டு மூன்று தினங்களாகக் குறையத் துவங்கியுள்ளது.

சென்னையில் ஆபரணத் தங்கம் ஒரு பவுன் விலை வெள்ளிக்கிழமை ரூ. 176 குறைந்து, ரூ.11,592-க்கு விற்பனையானது. ஒரு கிராம் ரூ.1,449.

வியாழக்கிழமை நிலவரப்படி ஒரு கிராம் ரூ. 1,471 ஆகவும், ஒரு பவுன் ரூ. 11,768 ஆகவும் இருந்தது.

ஆனால் இந்த விலைக் குறைவு தற்காலிகமானதுதான் என்றும் அடுத்த வாரம் மேலும் விலை உயர வாய்ப்பிருப்பதாகவும் நகை வியாபாரிகள் தெரிவித்துள்ளனர்.