டெல்லி மனித வள மேம்பாட்டுக் கருத்தரங்கு - இன்டர்நெட்டில் ஒளிபரப்பு

நெல்லை: மாவட்ட கல்வி தகவல் அமைப்பின் முக்கியத்துவம் குறித்து இன்று டெல்லியில் மத்திய மனித வள மேம்பாட்டு துறை நடத்தும் கருத்தரங்கம் இணைய தளத்தில் நேரடி ஒளிபரப்பு செய்யப்படுகிறது.

நெல்லை மாவட்டத்தில் பள்ளி தொடர்பான புள்ளி விவரங்கள் திரட்டப்பட்டு மாவட்ட திட்ட அலுவலகம் மூலம் வழங்கப்பட்டுள்ள பள்ளி தகவல் படிவத்தில் பூர்த்தி செய்யப்பட்டு வட்டார மையங்களில் அளிக்கப்பட்டுள்ளது.

இந்த விவரங்கள் மாவட்ட திட்ட அலுவலக அதிகாரிகளின் கள ஆய்வுக்கு பின்னர் மாநில திட்ட இயக்குனரகத்திற்கு அனுப்பி வைக்கப்பட உள்ளது.

இந்நிலையில் மாவட்ட கல்வி தகவல் அமைப்பின் முக்கியதுவம் தொடர்பான கருத்தரங்கிற்கு மத்திய மனித வள மேம்பாட்டு துறை ஏற்பாடு செய்துள்ளது. இன்று பிற்பகல் 1.45 மணிக்கு டெல்லியில் நடக்கும் இந்த கருத்தரங்கம் இந்திரா காந்தி திறந்தநிலை பல்கலைக்கழகத்தின் கியான் தர்ஷன் இணையதளம் மூலம் நேரடியாக ஓளிபரப்பு செய்யப்படுகிறது.

நேரடி ஒளிபரப்பைக் காண செல்ல வேண்டிய முகவரி...

http://www.ignouonline.ac.in/empc/broadcast/default.aspx