சென்னையில் 'ஐடியல் டேலன்ட் ஹன்ட்'-தூர்தர்ஷனில் ஒளிபரப்பு
சென்னை: சென்னையில் இந்தியன் மியூசிக் அகாடமி நடத்தும் டேலன்ட் ஹன்ட் எனப்படும் இசையில் ஆர்வம் கொண்டவர்களை கண்டறியும் நிகழ்ச்சி வரும் 10ம் தேதி நடத்தப்பட இருக்கிறது. இதை தூர்தர்ஷனில் ஒளிபரப்பு செய்யப்பட இருக்கிறது.
இந்தியன் மியூசிக் அகாடமி ஜடியல் ஜல்சா என்ற பெயரில் சண்டிகர், கொல்கத்தா, சென்னை, போபால், மும்பை, நாக்பூர் ஆகிய 6 நகரங்களில் திறமையான கலைஞர்களை கண்டறியும் நிகழ்ச்சியை நடத்துகிறது.
சண்டிகரில் கடந்த மாதம் 26ம் தேதியும், கொல்கத்தாவில் 3ம் தேதியும் இந்த நிகழ்ச்சி முடிந்த நிலையில், அடுத்த ஐடியல் ஜல்சா சென்னையில் வரும் 10ம் தேதி நடக்கிறது. சென்னை அண்ணா சாலையில் உள்ள தென் இந்திய திரைப்பட வர்த்தக மையத்தில் வைத்து காலை 9 மணிக்கு துவங்குகிறது.
இசையில் ஆர்வம் கொண்ட 5 முதல் 45 வயதுள்ளவர்கள் இதில் கலந்து கொள்ளலாம். பங்கேற்க விருப்பம் உள்ளவர்கள் 99410 16640 என்ற மொபைல் எண்ணில் தங்களது பெயர் மற்றும் விபரங்களை பதிவு செய்து கொள்ள வேண்டும். மேலும் விபரங்களுக்கு www.imaindia.in இணையத்தை பார்க்கலாம்.
இதில் கர்நாடக, இந்துஸ்தானி, வாய்பாட்டு இசை கலைஞர்கள், கஜல், பஜன், சுபி, காவாலி போன்ற பாரம்பரிய இசை தெரிந்தவர்களும் பங்கேற்கலாம். இந்த நிகழ்ச்சியின் மூலம் இந்திய இசையில் ஆர்வத்தை வளர்க்க இந்தியன் மியூசிக் அகாடமி முயற்சித்து வருகிறது.
இந்த போட்டியில் ஒவ்வொரு நகரிலும் தலா 3 பேர் தேர்வு செய்யப்பட இருக்கின்றனர். வெற்றியாளர்களுக்கு உதவி தொகை வழங்கப்பட இருக்கிறது.
இந்த நிகழ்ச்சி தூர்தர்ஷன் சேனலில் ஒவ்வொரு ஞாயிற்றுக் கிழமை காலை 10.30 மணி முதல் 11.00 வரை ஒளிபரப்பாக வருகிறது. தூர்தர்ஷன் சஹாயத்ரி டிவியில் மாலை 5.30 மணிக்கு ஒளிபரப்பாகிறது.