ஹிட்லர் பயன்படுத்திய பென்ஸ் காரை வாங்கினார் ரஷ்ய கோடீஸ்வரர்

பெர்லின்: ஜெர்மனியின் சர்வாதிகாரி ஹிட்லர் பயன்படுத்திய பென்ஸ் காரை ரஷ்யாவைச் சேர்ந்த கோடீஸ்வரர் ஒருவர் வாங்கியுள்ளார். கிட்டத்தட்ட ரூ. 28 கோடிக்கு இந்த காரை அவர் வாங்கியுள்ளார்.

அந்த கோடீஸ்வரர் யார் என்ற விவரம் வெளியிடப்படவில்லை. அந்த கோடீஸ்வரர் சார்பி்ல் ஒரு தரகர் ஜெர்மனியின் டுஸ்ஸல்டார்ப் நகரைச் சேர்ந்த கார் பழம்பெறும் கார்களின் டீலரான மைக்கேல் புரோஹலிச்சை அணுகினார்.

அவரிடம் ஹிட்லர் பயன்படுத்தி கரும் நீல நிற 770கே மாடல் பென்ஸ் காரை வாங்கித் தருமாறு கோரினார். இதையடுத்து அந்தக் காரை ரஷ்யக் கோடீஸ்வருக்கு வாங்கிக் கொடுத்துள்ளார் மைக்கேல்.

இதுகுறித்து அவர் கூறுகையில், இந்தக் கார் மிக மிக பழமையானதாகும். ஒரு சர்வாதிகாரியின் காரான இது மிகவும் சிதிலமடைந்து உள்ளது. இதை வாங்கியவர் தனது பெயர் விவரத்தை என்னிடமே கூடத் தெரிவிக்கவில்லை என்றார்.

இந்தக் காரை மிகவும் சிரமப்பட்டு ஜெர்மனியில் கண்டுபிடித்தாராம் மைக்கேல்.

இந்தக் காரை பெற்றுக் கொள்வதற்காக தனது விமானத்தில் ஜெர்மனிக்கு வந்து அதை வாங்கிச் சென்றாராம் அந்த ரஷ்ய கோடீஸ்வரர்.