தங்கம் சவரனுக்கு ரூ.160 குறைந்தது!

சென்னை: தொடர்ந்து ஏறுமுகமாக இருந்த தங்கத்தின் விலை சற்றே குறைந்தது. இன்று சவரனுக்கு ரூ.160 குறைந்தது தங்கத்தின் விலையில்.

கடந்த 3 நாட்களில் தங்கம் விலை உயர்வு அதிர்ச்சி அளிக்கும் வகையில் உயர்ந்து வந்தது. இந்த 3 நாட்களில் மட்டும் ஒரு பவுனுக்கு 496 ரூபாய் உயர்ந்துவிட்டது.

இதே நிலை நீடித்தால் இன்னும் சில நாட்களில் ஒரு பவுன் 14 ஆயிரம் ரூபாயை எட்டிப் பிடித்து விடும் என்று எதிர்பார்க்கப்பட்டது. கல்யாண சீசன் என்பதால் தங்கம் விலை உயர்வு கட்டுப்படுத்த முடியாதபடி இருக்கும் என்றும் கூறப்பட்டது.

இந்த நிலையில் இன்று தங்கம் விலையில் சின்ன வீழ்ச்சி தென்பட்டது. ஒரு கிராம் தங்கம் விலை ரூ.1,687 ஆக குறைந்தது. கிராமுக்கு 20 ரூபாய் குறைந்ததால் இன்று சென்னையில் ஆபரணத் தங்கம் விலை ஒரு பவுன் ரூ.13 ஆயிரத்து 496 ஆக விற்பனையானது. இது நேற்றைய விலையை விட 160 ரூபாய் குறைவாகும்.

தங்கம் விலை லேசாக இன்று வீழ்ச்சி அடைந்திருப்பது தற்காலிகமானதுதான் என்று நகை வியாபாரிகள் தெரிவித்தனர்.

இருந்தாலும் தங்கம் வாங்க குவியும் கூட்டம் கொஞ்சமும் குறையவே இல்லை. அதே கூட்டம், அதே நெரிசல்...