For Quick Alerts
ALLOW NOTIFICATIONS  
For Daily Alerts
Oneindia App Download

சிவகாசியின் பெயரை எண் கணிதப்படி மாற்ற கோரி பிரசாரம்!

By Staff
Google Oneindia Tamil News

Sivakasi
சிவகாசி: சிவகாசி என்பதன் ஆங்கிலப் பெயரை 'Sivakaasi' என்று மாற்றக் கோரி நகராட்சியில் தீர்மானம் நிறைவேற்றியைதத் தொடர்ந்து தற்போது இந்த பெயர் மாற்றத்தை அரசு விரைந்து மேற்கொள்ளக் கோரி பிரசாரமும் தொடங்கியுள்ளது.

குட்டி ஜப்பான் என அழைக்கப்படுவது சிவகாசி. இது ஆங்கிலத்தி்ல் 'Sivakasi' என்று இப்போது அழைக்கப்படுகிறது. ஆனால் சமீப காலமாக சிவகாசி பட்டாசுத் தொழிற்சாலைகளில் தொடர்ந்து ஏற்பட்ட விபத்துக்களில் பலர் உயிரிழந்ததைத் தொடர்ந்து எண் கணிதப்படி (நியூமராலஜி) சிவகாசி என்ற பெயரை ஆங்கிலத்தில் 'Sivakaasi' என மாற்ற வேண்டும் என கோரிக்கை எழுந்தது.

இதையடுத்து நகராட்சியில் சமீபத்தில் 'Sivakaasi' என்று பெயர் மாற்றிடக் கோரி ஒரு மனதாக தீர்மானம் நிறைவேற்றப்பட்டது.

இந்தத் தீர்மானத்தை அரசுக்கும் அனுப்பி வைத்துள்ளனர். இந்த நிலையில் இந்த பெயர் மாற்றத்தை வலியுறுத்தி பிரசார இயக்கமும் தொடங்கப்பட்டுள்ளது.

இதுகுறித்து நகராட்சித் தலைவர் ராதிகா செல்வி கூறுகையில், இந்த பெயர் மாற்ற முடிவு சில காலமாகவே நிலுவையில் இருந்து வந்தது. தற்போதுதான் இதை தீர்மானமாக நிறைவேற்றி அரசுக்கு அனுப்பி வைத்துள்ளோம்.

எனக்கு தனிப்பட்ட முறையில் எண் கணிதத்தில் நம்பிக்கை இல்லை என்றாலும் கூட மக்களின் உணர்வுகளை நான் மதிக்கிறேன். அதனால்தான் இந்த தீர்மானத்திற்கு ஆதரவு கொடுத்து நிறைவேற்ற உதவினேன்.

தற்போது பெயர் மாற்றம் தொடர்பாக பிரசார இயக்கமும் தொடங்கப்பட்டுள்ளது என்றார்.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X