10 கிராம் தங்கம் வாங்கினால் அரை கிராம் ஓசி..

சென்னை: தீபாவளிப் பண்டிகையையொட்டி தபால் அலுவலகங்களில் தங்கம் விற்பனையில் சலுகை அறிவிக்கப்பட்டுள்ளது.

நாடு முழுவதும் உள்ள தலைமை தபால் அலுவலகங்களில் 24 காரட் தங்க நாணயங்கள் அரை கிராம், 1 கிராம், 5 கிராம், 8 கிராம், 10 கிராம் ஆகிய எடைகளில் விற்கப்படுகின்றன.

இந் நிலையில் தீபாவளி பண்டிகையையொட்டி சிறப்பு சலுகை அறிவிக்கப்பட்டுள்ளது.

இதன்படி 10 கிராம் தங்க நாணயம் வாங்கினால் அரை கிராம் தங்கம் இலவசமாக வழங்கப்படும். இந்தச் சலுகை நாளை (24ம் தேதி) முதல் அடுத்த மாதம் 24ம் தேதி வரை அமலில் இருக்கும்.

இந்த சலுகை பெற விரும்பாத வாடிக்கையாளர்களுக்கு விலையில் 5 சதவீத தள்ளுபடி அளிக்கப்படும். மத்திய அரசு ஊழியர் என்றால் 6 சதவீத தள்ளுபடி வழங்கப்படும் என்று தபால் துறை தெரிவித்துள்ளது.