மத்திய அமைச்சர் கபில் சிபலுக்கு அமெரிக்க கல்வி விருது

டெல்லி: மத்திய மனித வள மேம்பாட்டுத் துறை அமைச்சர் கபில் சிபலுக்கு அமெரிக்க விருது கிடைத்துள்ளது.

கல்வித்துறையில் உலக அளவில் பல்வேறு நாடுகளுடன் இணைந்து புரிந்து வரும் சேவைக்காக கபில் சிபலுக்கு இந்த விருதை நியூயார்க் நகரிலுள்ள சர்வதேச கல்வி இன்ஸ்டிடியூட் (ஐஐஇ) வழங்கவுள்ளது.

நியூயார்க் நகரில் செப்டம்பர் மாதம் நடைபெறும் விழாவில் ஸ்டீபன் பி. துகான் விருது கபில் சிபலுக்கு வழங்கப்படும் என்று ஐஐஇ தலைமைச் செயல் அதிகாரி ஆலன் இ. குட்மேன் தெரிவித்துள்ளார்.

இதற்கு முன் இந்த விருது ஐக்கிய நாடுகள் சபையின் முன்னாள் பொதுச் செயலாளர் கோபி அன்னான், முன்னாள் அமெரிக்க வெளியுறவு அமைச்சர் மேட்லின் ஆல்பிரைட், முன்னாள் பிரான்ஸ் அதிபர் வேலரி

கிஸ்கார்ட் டி இஸ்டாய்ங், முன்னாள் அயர்லாந்து அதிபர் மேரி ராபின்சன் ஆகியோருக்கு வழங்கப்பட்டுள்ளது குறிப்பிடத்தக்கது.