ஆடி அமாவாசை திருவிழாவிற்கு 100 சிறப்பு பஸ்கள் : அரசு போக்குவரத்து கழகம்

விக்கிரமசிங்கபுரம்: பாபநாசம் காணிகுடியிருப்பு சொரிமுத்து அய்யனார் கோவிலில் வரும் 9ம் தேதி ஆடி அமாவாசை திருவிழா நடைபெறுகிறது. இதை முன்னிட்டு அரசு போக்குவரத்து கழகம் சார்பில் 100 சிறப்பு பேருந்துகள் இயக்கப்பட உள்ளன.

இதில் பாபநாசத்தில் இருந்து ஆலங்குளத்திற்கு 20 பேருந்துகள் இன்று முதல் இயக்கப்படுகிறது. நாளை மறுநாள் முதல் நெல்லையில் இருந்து 32 பேருந்துகளும், விக்கிரமசிங்கபுரத்தில் இருந்து காணிக்குடியிருப்புக்கு 18 பேருந்துகளும், காணிக்குடியிருப்பு, சேர்வலாறு ஆகிய பகுதிகளுக்கு 2 பேருந்துகளும் இயக்கப்படுகின்றன, மேலும், சேர்மகாதேவி-4, முக்கூடல்-4, கடையம்-3, அம்பை-2, தென்காசி-24, சுரண்டை-5 ஆக மொத்தம் 100 சிறப்பு பேருந்துகள் இயக்கப்படுகின்றன என்று அரசு போக்குவரத்து கழக பாபநாசம் கிளை செயலாளர் காளிசாமி தெரிவித்தார்.

மேலும் ஆடி அமாவாசை திருவிழா அன்றுமட்டும் பேருந்துகள் அனைத்தும் விக்கிரமசிங்கபுரம் நகரசபை அலுவலகத்தில் இருந்து புறப்படும் என்று அவர் கூறினார்.