இளம் வயதில் திருமணம் செய்தால் குற்றங்களைத் தடுக்கலாம்-சவூதி மத குரு

துபாய்: இளம் வயதிலேயே திருமணம் செய்து கொண்டால் குற்றச் செயல்களைக் குறைக்க முடியும் என்று கூறியுள்ளார் சவூதியைச் சேர்ந்த மத குரு முப்தி ஷேக் அப்துல் அஜீஸ் அல் ஷேக்.

இதுகுறித்து டைப் என்ற நகரில் 200 ஜோடிகளுக்கு நடந்த திருமணத்தின்போது அவர்களை ஆசிர்வதித்து அவர் பேசுகையில், சவூதி ஆண்கள் இளம் வயதிலேயே திருமணம் செய்து கொள்ள வேண்டும். இதன் மூலம் குற்றச் செயல்களில் ஈடுபடும் மன நிலை அவர்களுக்கு வராது.

அதேபோல திருமணச் செலவுகளையும் முடிந்தவரை குறைக்க முயல வேண்டும்.

அனைத்துக் குற்றச்செயல்களிருந்தும் இளைஞர்களைக் காப்பாற்ற வேண்டியது சமூகத்தின் கடமையாகும் என்றார் அவர்.