இந்தியர்களின் கல்லீரல் பிரச்சனைக்கு வித்திடும் உடல் பருமன்
அஹமதாபாத்: இந்தியாவில், உடல் பருமனால் கல்லீரல் பிரச்சனைகள் அதிகரிப்பதாக கல்லீரல் மாற்று சிகிச்சை மருத்துவர் ஒருவர் நேற்று கூறியுள்ளார்.
உடற்பயிற்சியின்மை, வாழ்க்கை முறை, உணவுப் பழக்கம் ஆகியவற்றால் கல்லீரல் பாதிக்கப்பட்டு, லிவர் சிர்ரோசிஸ், கல்லீரல் புற்று நோய் ஏற்படக் காரணமாக இருப்பதாக கல்லீரல் மாற்று சிகிச்சை மருத்துவர் பேராசிரியர் முஹம்மது ரெலா தெரிவித்தார்.
இது குறித்து அவர் மேலும் கூறுகையில்,
நாட்டில் ஏராளமானோர் ஹெபடிடிஸ் பி மற்றும் ஹெபடிடிஸ் சி நோய்களால் பாதிக்கப்பட்டுள்ளனர். ஒவ்வொரு ஆண்டும் மக்கள் இந்த இரு நோய்களால் கல்லீரல் மாற்று சிகிச்சை செய்துக்கொள்ள வேண்டியுள்ளது என்றார் அவர்.
1,400 கல்லீரல் மாற்று சிகிச்சை செய்து கின்னஸ் சாதனை படைத்துள்ளார் ரெலா என்பது குறிப்பிடத்தக்கது.
குலோபல் ஹாஸ்பிடல்ஸ் ஏற்பாடு செய்திருந்த நிகழ்ச்சியில் 'ஈரல் நோய்கள் - நேற்று, இன்று, நாளை' என்ற தலைப்பில் உரையாற்றியபோதுதான் இவ்வாறு கூறினார் ரெலா.