தஞ்சை ஒப்பிலியப்பன் கோவில் திருப்பணிகளுக்கு எதியூரப்பா ரூ. 1 கோடி நன்கொடை

சென்னை: கர்நாடக முதல்வர் எதியூரப்பா தஞ்சையில் உள்ள ஒப்பிலியப்பன் கோவிலுக்கு ரூ. 1 கோடி நன்கொடை அளித்துள்ளார்.

இது குறித்து இந்து சமய அறநிலையத்துறை நேற்று வெளியிட்டுள்ள அறிக்கையில் கூறப்பட்டிருப்பதாவது,

தஞ்சாவூர் மாவட்டம் திருவிடைமருதூரில் உள்ள ஒப்பிலியப்பன்(வெங்கடாஜலபதி சுவாமி) கோவில் தமிழக திருப்பதி என்று அழைக்கப்படுகிறது.

இந்த கோவிலுக்கு கடந்த செப்டம்பர் மாதம் 4-ம் தேதி வந்த கர்நாடக முதல்வர் எதியூரப்பா கோவிலில் தங்கரத ஓடுபாதை மேம்பாடு, மார்கண்டேய மண்டபம், பசு மடம், தங்கரத மண்டபம் உள்ளிட்ட திருப்பணிகளுக்காக ரூ. 1 கோடி நன்கொடையாக அளிப்பதாக தெரிவித்தார்.

எதியூரப்பா கொடுத்த வரைவோலையை ஒப்பிலியப்பன் கோவில் அறங்காவலர் குழுத் தலைவர் ராயா கோவிந்தராஜனிடம் இந்து சமய அறநிலையத்துறை அமைச்சர் பெரியகருப்பன் ஒப்படைத்தார்.