இங்கிலாந்து நாடாளுமன்றத்தில் முதல் முறையாக ஓணம் கொண்டாட்டம்

கொச்சி: இங்கிலாந்து நாடாளுமன்ற வரலாற்றிலேயே முதல் முறையாக மலையாளிகளின் ஓணம் பண்டிகை கொண்டாடபப்பட்டுள்ளது.

நேற்று இரண்டு மணி நேர நிகழ்ச்சியாக ஓணம் நிகழ்ச்சி நடத்தப்பட்டது. கேரளாவின் கலை நிகழ்ச்சிகளுடன், ஓணம் சத்யா என்றழைக்கப்படும் விருந்து நிகழ்ச்சியும் நடந்தேறியது.

இந்த நிகழ்ச்சிக்கு கேரள பிசினஸ் போரத்தின் தலைமை ஒருங்கிணைப்பாளரான பிலிப்ஸ் ஆப்ரகாம் இதற்கு ஏற்பாடு செய்திருந்தார்.

இந்த நிகழ்ச்சியில் நாடாளுமன்ற ஊழியர்கள், எம்.பிக்கள் சிலரும் கலந்து கொண்டனராம். வாழை இலையில் ஓணம் விருந்து பரிமாறப்பட்டதாம்.

இந்திய துணைத் தூதரகத்தின் பொருளாதாரப் பிரிவு செயலாளர் ஜார்ஜ் ராஜு நிகழ்ச்சியில் பங்கேற்றார்.