லண்டன் தமிழ் பள்ளி ஆண்டு விழா கொண்டாட்டம் : இந்திய பாரம்பரிய நடன நிகழ்ச்சிகள்

லண்டன்: லண்டன் தமிழ் சங்கத்தின் தமிழ் பள்ளி ஆண்டு விழா கடந்த 12-ம் தேதி லண்டன் மாநகரில் நடந்தது. இதில் பாரம்பரிய இந்திய நடன நிகழ்ச்சிகள் நடந்தன.

பாரெங்கும் தமிழ் மொழி பரவ வேண்டும் என்ற நோக்கோடு செயல்படும் லண்டன் தமிழ் சங்கத்தின் தமிழ் பள்ளி ஆண்டு விழா கடந்த 12-ம் தேதி லண்டன், ஈஸ்ட் ஹாமில் உள்ள பிளஸட் குரோவ் பள்ளியில் நடந்தது.

இந்த விழாவில் சிறியோர் முதல் முதியோர் வரை வயது வித்தியாசமின்றி கலைநிகழ்ச்சிகளில் கலந்து கொண்டனர். இந்திய பாரம்பரிய நடனங்களான பரதம், கும்மி, கோலாட்டம் நிகழ்ச்சிகள் பார்வையாளர்களை வெகுவாகக் கவர்ந்தது. இளைஞர்களுக்கு உற்சாகம் ஊட்டக் கூடிய தமிழ் திரைப்பட பாடல்களுக்கு சிறுவர் சிறுமியர்கள் திறமையாக நடனம் ஆடினர். நிகழ்ச்சியின் இறுதியில் பல்வேறு போட்டிகளில் வெற்றிப் பெற்ற மாணாக்கர்கள், பெற்றோர்கள், ஆசிரியர்களுக்கு பரிசு மற்றும் சான்றிதழ்கள் தமிழ் பள்ளி சார்பாக வழங்கப்பட்டது.

English summary

London Tamil Sangam"s Tamil school annual day was celebrated on December 12th in Blessed Grove school. Kids and grown ups participated in cultural programmes. Kids enthralled the audience with their dancing skills.