திருச்சியில் நீச்சல் பயிற்சி பெற அரிய வாய்ப்பு
திருச்சி: திருச்சி அண்ணா விளையாட்டு அரங்க வளாகத்தில் உள்ள நீச்சல் குளத்தில் நீச்சல் பயிற்சி பெற அரிய வாய்ப்பு ஏற்படுத்தப்பட்டுள்ளது.
திருச்சி அண்ணா விளையாட்டரங்க வளாகத்தில் தமிழ்நாடு விளையாட்டு மேம்பாட்டு ஆணையத்தின் நீச்சல் குளம் உள்ளது. இந்த நீச்சல் குளத்தில் பொதுமக்கள் மற்றும் பள்ளிகள், கல்லூரிகளில் பயில்வோர்கள் மற்றும் பயிலாதவர்கள் நீச்சல் கற்றுக் கொள்ள ஆர்வமுள்ளவர்களை ஊக்கப்படுத்தும் வகையில், கற்றுக்கொடுக்கும் பயிற்சி துவங்கப்பட்டுள்ளது.
இந்த பயிற்சி நேற்று துவங்கியது. ஜூலை 30 வரை நடைபெற உள்ளது.
காலை 6.30 மணி முதல் 7.30 மணி வரை மாணவர்கள் மற்றும் ஆண்களுக்கும், காலை 7.30 மணி முதல் 8.30 மணி வரை மாணவியர் மற்றும் பெண்களுக்கும் நீச்சல் பயிற்சி அளிக்கப்பட உள்ளது.
நீச்சல் கற்றுக் கொடுக்கும் பயிற்சிக்கு கட்டணமாக ரூ 500 நிர்ணயம் செய்யப்பட்டுள்ளது.
நீச்சல் பயிற்சியில் பங்கு கொள்ள விருப்பமுள்ளவர்கள், மண்டல முதுநிலை மேலாளர், அண்ணாதுரை விளையாட்டரங்கம், திருச்சி-23 என்ற முகவரியிலும் மற்றும் 9940341477, 9894574492 என்ற மொபைல் எண்ணிலும் 0431-2420685 என்ற ஃபோன் எண்ணிலும் தொடர்பு கொள்ளலாம்.
இந்த நீச்சல் பயிற்சி பெற விரும்புவர்களுக்கு, ஆண்டுக் கட்டணம் மூன்றாயிரம் ரூபாய், அரையாண்டு கட்டணம் ரூ, 1,750 காலாண்டு கட்டணம் ரூ 1,250 மாதாந்திர கட்டணம் ரூ 500 செலுத்தி பயிற்சி பெறலாம்.