பாடகி சித்ராவுக்கு சக்குளத்து அம்மன் விருது!

பி்ரபல பாடகி சித்ராவுக்கு கேரளாவின் சக்குளத்து அம்மா விருது வழங்கப்பட்டது.

தமிழ், தெலுங்கு, மலையாளம், கன்னடம் என பல மொழிகளில் ஆயிரக்கணக்கான பாடல்களைப் பாடியுள்ளவர், சின்னக் குயில் என அழைக்கப்படும் சித்ரா.

கேரளாவில் உள்ள பகவதி அம்மன் கோயில்களில் சக்குளத்து பகவதி அம்மன் கோவில் பிரசித்தி பெற்றதாகும். இக்கோயிலில் ஆண்டுதோறும் கார்த்திகை மாதத்தில் நடைபெறும் பொங்கல் திருவிழாவில் தமிழகம் உட்பட பல்வேறு மாநிலங்களில் இருந்து ஆயிரக்கணக்கில் பக்தர்கள் கலந்து கொள்வர்.

இந்த பொங்கல் விழாவின்போது, சக்குளத்து பகவதி கோவில் அறக்கட்டளை சார்பில் பல்வேறு கலைகளில் சிறந்து விளங்குபவர்களுக்கு விருது வழங்கப்பட்டு வருகிறது.

இந்த வருட விருது, பிரபல சினிமா பின்னணி பாடகி கே.எஸ்.சித்ராவுக்கு வழங்கப்பட்டது.

திரைத்துறையில் சாதனை படைத்ததற்காக சித்ராவுக்கு இந்த விருது வழங்கப்பட்டுள்ளதாக கோயில் அறக்கட்டளை நிர்வாகிகள் தெரிவித்தனர்.