திரைப்பட இயக்க பயிற்சி பட்டறை குற்றாலத்தில் இன்று துவக்கம்

குற்றாலம்: குற்றாலத்தில் திரைப்பட இயக்க பயிற்சி பட்டறை இன்று (22ம் தேதி) துவங்கி 3 நாட்கள் நடக்கிறது.

குற்றாலம் பஸ் நிலையம் எதிரேயுள்ள ராஜா டூரிஸ்ட் ஹோமில் திரைப்பட இயக்க பயிற்சி பட்டறை இன்று 22ம் தேதி துவங்கி மூன்று நாட்கள் நடக்கிறது.

இதனை தென்காசி நிழற்கோணி திரைப்பட கழக துணை தலைவர் டாக்டர் வேதமூர்த்தி தலைமை வகித்து துவங்கி வைக்கிறார். நிகழ்ச்சியில் உலக, உள்ளூர் திரைப்படங்கள் திரையிடப்பட்டு அதன் பேரில் விவாதம் நடக்கிறது.

திரைப்பட இயக்குன்கள் மீரா கதிரவன், சிவக்குமார், செழியன், மாதவராஜ், கருணா, குறும்பட இயக்குனர்கள் கதிர், ஓவியர் ஸ்ரீதர், பேராசிரியர் காளிஸ்வரன் மற்றும் தமிழக முற்போக்கு எழுத்தாளர் சங்க மாநில செயலாளர் தமிழ்செல்வன் ஆகியோர் பயிற்சியினை நடத்துகின்றனர்.

நிகழ்ச்சியில தமிழ்நாடு முற்போக்கு பயிற்சி பட்டறையின் 4 மாவட்டங்களை சேர்ந்த பிரதிநிதிகள் கலந்து கொள்கின்றனர். ஏற்பாடுகளை நி்ர்வாகிகள் பாஸ்கரன், நாறும்பூநாதன், பொன் சிவகுமார், பரமசிவன், காந்தி, வடிவேலு, சுலைமான், கிருஷ்ணன், ராமையா செய்துள்ளனர்.