அமெரிக்க பல்கலைக்கழகங்களில் படிக்க இந்தியர்களை விட அதிகளவில் விண்ணப்பிக்கும் சீனர்கள்

மும்பை: அமெரிக்காவில் உள்ள பல்கலைக்கழகங்களில் படிப்பதில் இந்தியர்களை மிஞ்சிவிட்டனர் சீனர்கள்.

கடந்த 2009-ம் ஆண்டு அமெரிக்க பல்கலைக்கழகங்களில் சேர விண்ணப்பிக்கும் இந்தியர்களின் எண்ணிக்கை வெகுவாக குறைந்தது. ஆனால், தற்போது அதிக அளவில் இந்திய மாணவர்கள் விண்ணப்பித்திருந்தும் சீனர்கள் முந்திவிட்டனர்.

இந்திய மாணவர்களின் விருப்பமான இடம் அமெரிக்கா. ஆனால் கடந்த ஆண்டை விட இந்த ஆண்டு 1 சதவிகித மாணவர்கள் மட்டுமே கூடுதலாக விண்ணப்பித்துள்ளனர். வரும் செபடம்பர் மாதத்தில் தொடங்கும் கல்வியாண்டில் சீனர்கள் 20 சதவிகிதம் அதிகமாக விண்ணப்பித்துள்ளனர்.

சி.ஜி.எஸ். இன்டர்நேஷனல் கிராஜுவேட் அட்மிஷன்ஸ் சர்வேயை பொருத்தவரை கடந்த 2009-ம் ஆண்டில் இந்தியா 12 சதவிகிதம் குறைவாகவே விண்ணப்பித்தது.

இந்தியாவிற்கு அளிக்கும் அட்மிஷனகள் தொடர்ந்து மூன்றாம் ஆண்டாக குறைந்துள்ளது. ஆனால், 2009-ம் ஆண்டு மட்டும் தான் விண்ணப்பங்களின் எண்ணிக்கை குறைந்தது என்று அந்த சர்வே கூறுகிறது.

சீனாவில் இருந்து வரும் விண்ணப்பங்கள் கடந்த ஆண்டு இருந்த 14 சதவிகிதத்தில் இருந்து தற்போது 20 சதவிகிதமாக அதிகரித்துள்ளது. பெய்ஜிங் தொடர்ந்து 5 ஆண்டுகளாக இரட்டை எண் வளர்ச்சியில் உள்ளது.