• search
For Quick Alerts
ALLOW NOTIFICATIONS  
For Daily Alerts

சீனாவின் அதிவேக ரயில்... மணிக்கு 416.6 கிமீ வேக பாய்ச்சல்!

By Chakra
|

பெய்ஜிங்: மணிக்கு 416.6 கிமீ வேகத்தில் பறக்கும் அதிவேக ரயிலை சீனா அறிமுகப்படுத்தியுள்ளது.

ஏற்கெனவே பெய்ஜிங்- தியான்ஷின் நகரங்களுக்கிடையே அதிவேக ரெயிலை இயக்கி வந்தது சீனா. கடந்த 2008-ம் ஆண்டு ஜூன் 24-ந்தேதி இந்த ரயில் இயக்கப்பட்டது. மணிக்கு 394.3 கி.மீட்டர் வேகத்தில் இயக்கப்பட்ட இந்த ரயில்தான் உலகின் அதிவேக ரயில் என்று புகழப்பட்டது. தற்போது, அதை விட அதிக வேகமாக இயங்க கூடிய ரெயிலை சீனா உருவாக்கியுள்ளது.

இந்த ரெயில் மூலம் ஷாங்காய்- ஹாங்ஹீ நகரங்களுக்கு இடையே பரிசோதனை ஓட்டம் நடத்தப்பட்டது. அப்போது மணிக்கு 416.6 கி.மீட்டர் மின்னல் வேகத்தில் பறந்து சாதனை படைத்தது.

சோதனை ஓட்டத்தின்போது, இந்த ரெயில் மணிக்கு 350 கி.மீட்டர் வேகத்தில் செல்லும் அளவு வடிவமைக்கப்பட்டிருந்தது. ஆனால் இது ஷாங்காய்- ஹாங்ஹீ நகரங்களுக்கு இடையே 202 கி.மீட்டர் தூரத்தை நாற்பதே நிமிடங்களில் கடந்துவிட்டது.

இதற்கு முன்பு இந்த தூரத்தை ரெயில்கள் 2 மணி நேரத்தில் கடந்து சென்றன. தற்போது மிக குறைந்த நேரத்தில் சென்றதன் மூலம் உலகிலேயே அதிவேக விரைவு ரெயில் என்ற பெருமையை இது பெற்றுள்ளது.

இதன்மூலம் நவீன ரெயில்வே தொழில் நுட்பத்தை சீனா பெற்றுவிட்டது நிரூபணமாகியுள்ளது என்று சீன ரெயில்வே அமைச்சகம் தெரிவித்துள்ளது. விரைவில் பயணிகளின் பயன்பாட்டுக்காக இந்த கொண்டுவரப்படுகிறது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X