கனடாவில் ரூ.50 கோடி செலவில் சாரதாம்பாள் கோவில்

டொரண்டோ: கனடாவில் உள்ள டொரண்டோ நகரில் ரூ.50 கோடி செலவில் சாரதாம்பாள் கோவில் பிரம்மாண்டமாக கட்டப்பட்டுள்ளது.

இந்த வளாகத்தில் சாரதாம்பாள் கோவிலுடன் ஆதி சங்கரர் அருங்காட்சியகமும் அமைக்கப்பட்டுள்ளது. இந்த கோவிலின் கும்பாபிஷேகம் கடந்த ஞாயிற்றுக்கிழமை நடைபெற்றது. இதில் 10 ஆயிரத்துக்கும் மேற்பட்டோர் கலந்து கொண்டனர்.

கும்பாபிஷேக நிகழ்ச்சியில் கலந்து கொண்ட கனடா பிரதமர் ஸ்டீபன் ஹார்ப்பர், இந்தியா மற்றும் கனடாவின் பெருமைமிக்க பன்முக கலாசாரத்துக்கு எடுத்துக்காட்டாக இந்தக் கோவில் விளங்குகிறது என்றார்.

இந்தக் கோவிலின் கட்டுமானப் பணிகள் கடந்த 5 ஆண்டுகளாக நடைபெற்றது குறிப்பிடத்தக்கது.