மன்மோகனுக்கு 2010ம் ஆண்டின் சர்வதேச அரசியல்வாதி விருது!

வாஷிங்டன்: 2010ம் ஆண்டின் சர்வதேச அரசியல்வாதி விருது பிரதமர் மன்மோகன் சிங்கிற்கு வழங்கப்படுகிறது.

அமெரிக்காவின் 'அப்பீல் ஆஃப் கன்சைனஸ் ஃபவுண்டேஷன்' சார்பில் சர்வதேச அளவில் ராஜதந்திர நடவடிக்கைகளில் சிறந்து விளங்கும் அரசியல் தலைவர்கள் உட்பட பல்வேறு பிரிவினருக்கும் விருது வழங்கப்பட்டு வருகிறது.

கடந்த 1965ம் ஆண்டு முதல் பல்வேறு சர்வதேச தலைவர்களுக்கு இந்த விருது வழங்கப்பட்டு வருகிறது.

மிகவும் கௌரவமான அங்கீகாரமாக கருதப்படும் விருது பிரிட்டன் பிரதமர் கார்டன் பிரவுன், ஜெர்மன் பிரதமர் ஏஞ்சலா மெர்கெல், பிரேசில் அதிபர் லூய்ஸ் இனாசியோ, பிரான்ஸ் அதிபர் நிகோலஸ் சர்கோஸி என பலருக்கும் வழங்கப்பட்டுள்ளது.

2010ம் ஆண்டில் சிறந்த சர்வதேச அரசியல்வாதியாக பிரதமர் மன்மோகன் சிங் தேர்வு செய்யப்பட்டுள்ளார்.

இவ்விருதை பிரதமர் மன்மோகனும் ஏற்றுக்கொண்டு விட்டார். வரும் செப்டம்பர் மாதம் வாஷிங்டனில் விருது வழங்கும் விழா நடக்க உள்ளது.