ஆசிய விளையாட்டு வீரர்களுக்கு சமைக்கும் வெள்ளை மாளிகை ஷெப்

குவாங்ஸு: ஆசிய விளயாட்டுப் போட்டிகளில் கலந்து கொள்ளும் 13,000 விளையாட்டு வீரர்களுக்கும், பயிற்சியாளர்களுக்கும் வெள்ளை மாளிகையின் முன்னாள் ஷெப் டௌக் பிராட்லி உணவு தயாரிக்கிறார்.

4 அமெரிக்க அதிபர்கள், 6 கத்தோலிக்க தலைவர்கள் உள்ளிட்ட பல தலைவர்களுக்கு உணவு தயாரித்துக் கொடுத்துள்ளார். அவர் கடந்த 23 ஆண்டுகளாக சமையல் துறையில் உள்ளார் என்று அராமார்க் ஸ்போர்ட்ஸ் அன்ட் என்டர்டெயின்மென்ட் தெரிவித்துள்ளது. இது தான் ஆசிய விளையாட்டுப் போட்டிகளின் உணவு ஏற்பாட்டாளர் ஆகும்.

கடந்த 2008-ம் ஆண்டு சீனாவில் நடந்த ஒலிம்பிக் போட்டிகளின் போது பிராட்லி தான் தலைமை ஷெப். அவர் தற்போது சீனாவில் வசிக்கிறார்.

பிராட்லி குழுவினர் ஆசிய விளையாட்டுப் போட்டிகளில் ஒவ்வொரு நாளும் 26, 000 உணவு வகைகளைத் தயாரிக்கின்றனர். இந்தப் போட்டிகள் கடந்த 12-ம் தேதி துவங்கி வரும் 27-ம் தேதி வரை நடக்கிறது. போட்டிகள் நடக்கும் நாட்களில் 30 டன் அரிசியும், 60 டன் மாமிசமும் பயன்படுத்தப்படுகிறது.