கோவையில் குழந்தைகள் திரைப்பட விழா: 30ல் துவக்கம்
கோவை: கோவையில் குழந்தைகளுக்கான திரைப்பட விழா வரும் 30-ம் தேதி துவங்க இருக்கிறது.
திரைப்பட விழா
தேசிய குழந்தைகள் வளர்ச்சி கழகமும், மாவட்ட நிர்வாகமும் இணைந்து கோவையில் குழந்தைகளுக்கான திரைப்பட விழாவினை நடத்த திட்டமிட்டுள்ளன. இந்த விழா வரும் 30-ம் தேதி முதல் ஜூலை 13-ம் தேதி வரை நடக்கிறது.
திரைப்படங்கள்
பள்ளி மாணவர்களுக்கு மத்தியில் நல்ல சிந்தனையையும், நல்லொழுக்கத்தையும் வளர்க்கும் பொருட்டு நடைபெற இருக்கும் இந்த திரைப்பட விழாவில் சுந்தர காண்ட மகாபாரதா, அதிசயக்கோடு, செல்லம், எங்களாலும் முடியும், ஆயிஷா, ஹையாத், மஹேக் மிர்சா, ஆறு பேர், வெற்றிப் பாதை, ஆர்ப்பாட்டம் ஆகிய 9 திரைப்படங்கள் திரையிடப்படவுள்ளன.
அனுமதி இலவசம்
இந்த திரைப்படங்களை 6 முதல் 9-ம் வகுப்பு வரை பயிலும் மாணவ-மாணவியர் இலவசமாகக் கண்டுகளிக்கலாம். பள்ளிகளுக்கு அருகிலுள்ள திரையரங்குகளில் இத்திரைப்படங்கள் திரையிடப்படும். திரையரங்குகளைத் தேர்வு செய்து மாணவர்களை பத்திரமாக அழைத்துச் செல்ல வேண்டியது மாவட்ட கல்வித்துறை அலுவலகர்களின் பொறுப்பு. திரைப்பட விழா நடைபெறும் சமயங்களில் தியேட்டர்களில் போலீஸ் பாதுகாப்பிற்கும் ஏற்பாடு செய்யபட்டுள்ளது.
Click it and Unblock the Notifications
Sign in with Google