துபாயில் ஐக்கிய அரபு அமீரக தமிழ்ச்சங்கத்தின் நம்பிக்கை ஸ்வரங்கள் 2011

துபாய்: துபாயில் உள்ள இந்தியன் உயர்நிலைப் பள்ளியில் உள்ள ஷேக் ராஷித் அரங்கில் வரும் 15-ம் தேதி மாலை 6 மணிக்கு நம்பிக்கை ஸ்வரங்கள் 2011 கலை நிகழ்ச்சி நடைபெறுகிறது.

ஐக்கிய அரபு அமீரக தமிழ்ச்சங்கம் வரும் 15-ம் தேதி மாலை 6 மணிக்கு நம்பிக்கை ஸ்வரங்கள் 2011 என்ற கலை நிகழ்ச்சியை நடத்துகிறது. இதற்கு கிளீன்கோ மற்றும் அல்மாராய் டிரஸ்ட் ஆதரவு தெரிவித்துள்ளன.

இந்த நிகழ்ச்சியில் பிரபல நடன இயக்குனரும், நடிகருமான லாரன்ஸ் ராகவேந்திராவின் மாற்று திறனாளி நடனக் குழுவினர் தங்கள் திறமையை வெளிக்காட்டவிருக்கின்றனர். மேலும், கிங் காங்கின் நடனம், கலைமாமணி செந்திலின் மிமிக்ரி, கோகுல்நாத் வழங்கும் பல்சுவை நிகழ்ச்சி நடைபெறுகிறது. இது தவிர அல் நூர் மாணவன் கார்த்திக் தனது இனிய குரலால் பாடி அசத்தவிருக்கிறார். முன்னதாக குழந்தைகளை உற்சாகப்படுத்த அல் நூர் ஸ்பெஷல் நீட்ஸ் குழந்தைகளின் நடன நிகழ்ச்சி நடைபெறும்.

இந்நிகழ்ச்சியின் ஆதரவாளர்கள்: மலபார் கோல்டு, பாங்க் ஆப் பரோடா, ஆர்யாஸ் ரெஸ்டாரன்ட், ஏடபுள்யூ ரோஸ்டாமணி அரேபியன் ஆட்டோமொபைல்ஸ்(நிஸ்ஸான்), ரியல் வேர்ல்டு என்டர்பிரைஸ், பாலாஜி பவன், பிரெய்ன் ஓ பிரெய்ன், சென்னை ஜுவல்லர்ஸ், கொலும்பு டயர்ஸ், யூஏஇ எக்ஸ்சேன்ஞ்.

English summary

UAE Tamil Sangam has arranged for Namikkai Swarangal 2011 in Dubai on april 15. The cultural programme will start at 6pm in Indian high school's Sheikh Rashid auditorium. Popular actor Lawrence Raghavendra's physically challenged dance team and many others are performing.