துபாயில் ரசமாயி நடத்திய இலவச மருத்துவ முகாம்

துபாய்: துபாயில் ரசமாயி எனும் கலாச்சார அமைப்பு கடந்த 13-ம் தேதி இலவச மருத்துவ முகாமை கெட்வெல் மருத்துவ மையத்தில் நடத்தியது.

ரசமாயி அமைப்பின் உறுப்பினர்கள் மற்றும் அவர்கள் குடும்பத்தார்களுக்காக கடந்த 13-ம் தேதி இலவச மருத்துவ பரிசோதனை முகாம் நடந்தது.

இம்மருத்துவ முகாமில் டாக்டர் கபூர், டாக்டர் சரிதா கபூர், டாக்டர் உமேஸ் சந்த் பன்சல், டாக்டர் ரஜி மத்யூ வர்கீஸ், டாக்டர் சுமர் ராஜேஷ் டேவிட், டாக்டர் சாதிக் படமி, டாக்டர் கமால் உள்ளிட்ட மருத்துவர்கள் மருத்துவ பரிசோதனையினை மேற்கொண்டனர்.

இந்த மருத்துவ முகாமில் ரத்த அழுத்தம், சர்க்கரை அளவு, இருதய பரிசோதனை, பல் பரிசோதனை, குழந்தைகளுக்கான பரிசதனை உள்ளிட்ட பல்வேறு சோதனைகள் இலவசமாக செய்யப்பட்டன.

மேற்கண்ட தகவலை ரசமாயி அமைப்பின் நிர்வாகி ஜாபர் அலி தெரிவித்தார்.

English summary

RASAMAYI had organised a free medical checkup on may 13 in Getwell medical centre in Dubai. This programme was conducted for RASAMAYI members and their families.