எத்தியோபியாவில் தீபாவளி கொண்டாட்டம்: எத்தியோபியா தமிழச் சங்கம் ஏற்பாடு

அடிஸ் அபாபா: எத்தியோபியா தமிழ்ச் சங்கத்தின் சார்பில் அடிஸ் அபாபாவில் கடந்த 13ம் தேதி தீபாவளி கொண்டாட்டம் நடந்தது.

எத்தியோபியா தலைநகர் அடிஸ் அபாபாவில் தமிழ்ச் சங்கம் உள்ளது. அதன் சார்பில் கடந்த 13ம் தேதி தீபாவளி கொண்டாட்டம் நடந்தது.

இந்த விழாவுக்கு இந்திய தூரகத்தின் 2ம் நிலை செயலாளர் சீனிவாசன் தலைமை தாங்கினார். தமிழ்ச் சங்கத் தலைவர் காந்தி வரவேற்புரை ஆற்றினார். சிவாவின் இன்னிசை நிகழ்ச்சியும் நடந்தது.

விளையாட்டுப் போட்டிகளில் வெற்றி பெற்ற சிறுவர், சிறுமியருக்கு பரிசு வழங்கப்பட்டது.

தமிழ்ச் சங்கத்தின் சார்பில் அடிஸ் அபாபாவில் உள்ள அன்னை தெரசா ஆதரவற்றோர் இல்லத்திற்கு உணவு வழங்கப்பட்டது. சங்கச் செயலாளர் ரமேஷ் பாபு நன்றியுரை ஆற்ற, நாட்டுப் பண்ணுடன் விழா நிறைவடைந்தது.

English summary

Ethiopia tamil sangam had celebrated Diwali on november 13 in Addis Ababa. The celebration started at 11.30 am and ended at 4.30 pm. All together Tamils had a nice time. Tamil Sangam gave food to the Mother Teresa home for the destitute in Addis Ababa on that day.